Өнөөдөр дэлхийн болон Монголын цаг уурын өдөр тохиож байна. Жил бүр энэ өдрийг тодорхой нэг сэдвийн дор тэмдэглэн өнгөрүүлдэг бөгөөд энэ жил “Уур амьсгал ба ус” сэдвээр иргэдэд мэдээлэл өгч, тодорхой ажлуудыг зохион байгуулж байна.

Дэлхийн цаг уурын өдөрт зориулан Дэлхийн Цаг уурын байгууллагын Ерөнхий нарийн бичгийн дарга Петтери Тааласын илгээлтийг хүргэж байна.

ИЛГЭЭЛТ 

Цэвэр ус бол хүний амьдралын баталгаа. Хүн усгүйгээр гурван хоногоос илүү амьдарч чадахгүй. Хүнс үйлдвэрлэл, бүх бараа бүтээгдэхүүн, үйлчилгээнд ус зайлшгүй шаардлагатай байдаг төдийгүй байгаль орчны чухал бүрдэл болдог.

Өнөө үед дэлхий дахинд үер, ган гачиг, цэвэр усны хүртээмж хангалтгүй байх зэрэг усны дарамтын асуудлууд улам бүр нэмэгдэж байна. Усны нөөцийн менежмент, хяналт-шинжилгээ, урьдчилан мэдээлэх ажлыг сайжруулах зайлшгүй шаардлага тулгарч байгаа бөгөөд мөн түүнчлэн ус хэт ихсэх, багасах, түүнчлэн усны бохирдлын асуудлыг шийдвэрлэх шаардлагатай байна.

Цэвэр ус, усны эрүүл ахуйн асуудалд чиглэсэн Тогтвортой хөгжлийн 6 дугаар зорилтыг хангахад илүү эрчимтэй, далайцтай ажиллах болно

Тиймээс 2020 оны Дэлхийн цаг уурын өдөр болон Дэлхийн усны өдрийг “Уур амьсгал ба ус” гэсэн нэгэн ерөнхий сэдвийн доор тэмдэглэж байна. Энэ сэдвийн хүрээнд уур амьсгал ба усны нөөцийн харилцан уялдуулсан, тогтвортой менежментийг голлон анхаарах юм. Эдгээр нь хоёулаа тогтвортой хөгжил, уур амьсгалын өөрчлөлт болон гамшгийн эрсдлийг бууруулах талаарх дэлхийн зорилтуудын гол цөм нь юм.

“НҮБ ба Усны нөөц”-ийн механизм болоод Нэгдсэн Үндэстний Байгууллагын бусад гол гол түншүүдтэйгээ хамтран Дэлхийн цаг уурын байгууллага цэвэр ус, усны эрүүл ахуйн асуудалд чиглэсэн Тогтвортой хөгжлийн 6 дугаар зорилтыг хангахад илүү эрчимтэй, далайцтай ажиллах болно.

Ус бол XXI зууны хамгийн үнэ цэнэтэй бараа-түүхий эдийн нөөц юм. “Дусал бүрийг тооцож дусал бүрийг хэмнэ”-х үйлст Үндэсний Цаг уур/Усны албад гол үүргийг гүйцэтгэх ёстой.

Эх сурвалж: http://gogo.mn/r/y6e52