Монголын Тариаланчдын үндэсний холбооны гишүүн 14 компаний төлөөлөл 2018 оны 11 дүгээр сарын 28-наас 12 дугаар сарын 6-ны өдрүүдэд Австрали Улсад танилцах айлчлал хийв.

Айлчлалын хүрээнд төлөөлөгчид Австралийн Гадаад хэрэг, худалдааны яамны Туслах төрийн нарийн бичгийн даргын орлогч, Хөдөө аж ахуй, усны нөөцийн яамны төлөөлөл, Австралийн Газар тариалангийн үйлдвэрлэлийн маркетинг хариуцсан байгууллагын ерөнхий менежер, Австралийн Хөдөө аж ахуйн олон улсын судалгааны хүрээлэнгийн зохицуулагч зэрэг албаны хүмүүстэй уулзаж, харилцан санал солилцов. Түүнчлэн Австралийн Шинэ Өмнөд Уэльс мужийн зарим компаниар зочлон усалгаатай тариалангийн үйл ажиллагаатай танилцаж, туршлага судлав.

Эх сурвалж: http://www.mfa.gov.mn/?p=49163&fbclid=IwAR3hpw6fXWHKVsLRMFUNf8VMOY1Fgx3ylEZ0VS9wVP2dcRbyj_uqdkdTisE